My loopbaan het begin in die bankwese toe ek in 1990 by Allied Bank aangesluit het. Ek het verskeie kursusse in die bankwese gedoen. In 1997 het ek as sekretaresse begin werk by een van Sanlam se top Adviseurs.
In 2002 begin ek my eie Korttermynpraktyk en sluit toe in 2003 by Old Mutual aan as ‘n Finansiële Adviseur. Daar bereik ek my Silwer Satus in Klub 51.
In Mei 2005 sluit ek aan by Multilink as ‘n onafhanklike makelaar en in 2008 begin ek praktiseer as onafhanklike makelaar onder Retha Mostert Makelaars CC.
My ondervinding en kennis stel my in staat om ‘n korrekte en omvattende finansiële ontleding te doen. Ek is trots daarop dat my praktyk bedryf word op ‘n eerlike en betroubare grondslag.